Насилството во бременоста предизвикува предвремено пораѓање

Користејќи ја анкетата како метод на работа во своето истражување, научниците од Медицинскиот факултет на Универзитетот во Порто, Португалија и од болницата St. Joao во Порто откриле цврста врска меѓу физичкото малтретирање во текот на бременоста и предвременото пораѓање.
2.660 жени ги оцениле своите искуства врзани за насилството во бременоста. 24 % од мајките кои предвремено родиле биле физички малтретирани, а насилството е поврзано со предвремено породување откако ги истражиле и другите фактори кои на тоа можат да влијаат: возраст, брачен статус, едукација, приходи, планирање на бременоста, пушење, алкохол и уживање во дрога.
Лекарката Тереза Родригез вели дека главната сила на оваа студија е големиот број жени кои биле испитани, а доаѓале од различни социоекономски слоеви. Исто така, се нагласува потребата од навремено препознавање на насилството како ризик-фактор за предвремено породување, кои можа да остави сериозни последици врз растот и развојот на децата.

Извор: Списанието "24 часа здравје".