четврток, мај 29, 2008

Што се случува ако не заспиеме три ноќи по ред?

Потребата за спиење е генетски детерминирана, таа е дел од нас како и бојата на косата и очите. Додека растеме може да варира од три до 11 часа дневно, иако на повеќето луѓе им се потребни 7 или 8 часа сон за нормално функционирање. За жал, модерниот живот носи и многу стрес, главна причина за несоницата.

Стручњаците човековата популација ја поделиле на три основни категории: "нормални спијачи" (98% од популацијата) потребно им е помеѓу 6 и 8 часа сон дневно, на "кратките" помалку, а на "долгите" повеќе. Кога спиеме нашиот мозок ги процесира информациите од изминатиот ден, особено вештините и податоците неопходни за психокоординација. Исто така сонот помага во справувањето со емоционалните проблеми, па така тие наутро изгледаат помали отколку навечер.

Иако за функционирањето на организмот, кој долготрајно е лишен од сон не се знае доволно, резултатите од постоечките истражувања ги опишуваат ефектите од неколку непроспиени ноќи по ред:

Една: времето на реакција на дразбите се удвојува, краткотрајната меморија ќе биде непотполна, но сепак ќе можете нормално да функционирате;

Две: вештината за конверзација и краткотрајната меморија ќе ви бидат речиси бескорисни. Тешко ќе можете да сложите реченица, ќе заборавате и ќе испуштате зборови. Порастот на нивото на хормонот кортизол ќе предизвика стрес кој ќе се одрази на расположението и имунолошкиот состав, па веројатноста од заболувања се зголемува;

Три: Доаѓа до пад на телесната температура, губење на мускулна сила, мешање на соништата и стварноста во вид на халуцинации. Ќе почувствувате неверојатна потреба за храна богата со јаглехидрати;

Четири: Халуцинациите стануваат се почести и полоши, доаѓа до тешкотии во движењето, губење на чувство на време... Се јавува несигурност и параноја, а во друштвото ќе се однесувате несоодветно и агресивно;

Пет: Телото има потреба за сон, халуцинациите се многу чести и речиси е невозможно да се одделат од стварноста. Се појавува чувство на студ, а кожата помодрува;

Шест и повеќе: Оние кои успеале да останат од шест до осум ноќи по ред будни немале во тој период некои посериозни медицински проблеми, но штета претрпеле нивните невролошки и биолошки функции. Во однос на способноста за социјална интеракција, тука може да дојде и до трајни оштетувања.

Што да се кажe освен, не пробувајте го ова на себе....
Извор: Вечер

Навистина живееме во динамичен свет, но без сон не можеме да фукнционираме, правилно. Колку и да немаме време за да ги завршиме обврските, сепак мора да се оделат барем 5-6 часа за правилен сон .



Моменатално ние студентите сме преоптоварени со испитите кои што следуваат, по цел ден на книга, и без сон тоа е нешто што организмот неможе да го издржи . Иако не чувствуваме сега, последиците ќе дојдат подоцна.....




Учете , уживајте, но најдете време и за спиење, погоре веќе можевте да прочитате што се се случува без сонот.....и запомнете наспани секогаш функционирате многу подобро :)

понеделник, мај 26, 2008

Пуканките се здрава храна

Пред да ви ја кажам информацијата за пуканките ќе ви кажам еден виц поврзан со пуканките, бидејќи како што велат смеењето е здравje, а и да ги расположиме малку студентите пред испитните сесии :)

Оди претставник од Министерството за здравство во контрола на дом за лица со посебни потреби. Ги разгледува просториите и се распрашува дали има некои проблеми. Во домот било, за чудо, многу тивко. Кога се доближил до една соба, се изненадил што се случувало таму. Сите штитеници се собрале и скокале од кревет на кревет, само еден седел во ќошот и целиот се собрал. Кога го прашале зошто и тој не скока како и другите, тој рекол: со другарчињата си играм пуканки, ама јас не пукнав и се залепив за тенџерето.


Научниците апелираат дека пуканките треба да ги заменат другите грицки што содржат многу маснотии и се сиромашни со хранливи материи


Пуканките се здрава храна, велат научниците. Новите студии направени во САД покажуваат дека 39 грама пуканки содржат прехрамбени влакна, магнезиум, помалку протеини. Според истражувањата оваа грамажа е добро да се внесува секој дневно.


Извор: Кирилица

недела, мај 25, 2008

Уживајте во викендите!

Измина уште еден викенд.
Сигурна сум дека уживавте максимално во секој поглед, а се разбира и во храната. Не се плашете ако малку сте претерале со некои оброци, што сметате дека не сте требале да ги изедете. Немојте во никој случај да имате кон себе чувство на вина! Дури и оние кои држат диета за намалување на телесната тежина, за викендите можат малку да се одморат :)
Во никој случај немојте да мислите дека ако сте се прејале за викенд, дека одма ќе се здебелите. Тоа се должи на нешто друго...
Чувството на презаситеност и покачена телесна тежина, по обилен оброк, особено за викендите, е честа појава која се должи пред се на задржувањето на водата во телото. Зголемената тежина веднаш по оброкот не е трајна, се јавува затоа што најверојатно сте внесувале позачинета и пресолена храна. Токму натриумот од готварската сол предизвикува задржување на вода во телото.
Затоа препорачливо е избегнување на често внесување обилни оброци, многу зачини и многу СОЛ!

Консултирано со: Мали совети за здраво семејство - Зегин

Не го скокајте појадокот!

Одамна е познато дека појадокот е најважниот оброк во текот на денот!
Ова не е за џабе кажано.
Најсоодветен термин за појадување е до 9 часот наутро, затоа што во овој период метаболизмот е најбрз и најефикасен во согорувањето на внесените калории.
Кај луѓето кои не појадуваат во рок од 90 минути по будењето, се зголемува ризикот од прекумерна телесна тежина за околу 147%.
Токму затоа, внимавајте колку време спиете. На возрасен човек просечно му се потребни 8 часа за да го одмори своето тело. Многу е важно, исто така, кога си легнувате и кога станувате. Најубаво е да се станува околу 7 часот наутро и по кусото освестување, да се седне на маса да се појадува.
Сонот е храм за здравјето и убавината.
Станувајте рано наутро. Утрата се прекрасни!

Консултирано со: Мали совети за здраво семејство - Зегин

петок, мај 23, 2008

Внимателно во кујната!

Кога ќе решите да живеете здраво, најпрво, рестрикции треба да направите во кујната. Значи, треба да почнете да готвите здраво. Тоа понекогаш бара доста голема посветеност. Запознавање со нови кулинарни техники, промена на старите навики, а можеби за некого тоа ќе бидат и првите чекори во тој дел од куќата! Токму затоа, готвењето знае да биде и опасно.



Видете што ќе и се случи на кутрата девојка.
Никогаш не бидете пресигурни во себе и не зборувајте лоши работи на празно!

ОСИГУРАЈТЕ ГО СВОЈОТ ЖИВОТ! Само така ќе бидете побезгрижни.

Мала незгода на трамполина

Треба да се вежба за да се биде здрав и убав, но... не на ваков начин!
Ова не е смешно!
Дури е очајно и грозно. Но, овие работи секојдневно се случуваат.
Бидете внимателни, бидејќи целиот живот може да ви се промени за само еден дел од секундата, поради ваше невнимание, поради ваша глупост. Сакате да се исфурате, да се истакнете, но... пред кого? Инвалид се станува многу лесно, а враќање назад, нема скоро никогаш.
Сепак, вие решете дали ќе се смеете или ќе плачете.



Жртви на вакви доживувања, најчесто се момците. Се разбира зошто. Девојките се воспитувани построго и затоа знаат кои ситуации да ги одбегнуваат. Ете уште еден доказ дека женските се попаметни :)
Сочувство кон малиов што си ја скрши ногата и едно браво за другарчињата кои му се згазија од смеење.
АПЛАУЗ МОМЦИ! Само напред!

четврток, мај 22, 2008

Некои вистини за пушењето

Оваа слика ја презедов од еден блог кој говори за лошото дејство на цигарите. Блогот е наречен Дневник на тие што сакаат да престанат да пушат. Има доста интересни приказни на луѓе кои раскажуваат, интересни податоци во врска со штетното дејство на никотинот и сл.
Со цигарите се врзува и едно прашање на навика, лоша навика.
Што е прво: Пушењето или депресијата? Ова е исто какко да прашате, што било прво: Јајцето или кокошката?
Кога ќе си го навлечете овој порок, многу тешко е да го оставите. Тоа е така, бидејќи никотинот се врзува повеќе за човекот како психичка потреба, отколку физиолошка потреба. Кога сте под стрес, нормално ... земате цигара! Луѓето кои не пушат, земаат нешто благо, обично чоколадо. И тоа е правилен избор, бидејќи кога сте под стрес на организмот му се потребни шеќери.
Но, да не навлегувам подлабоко во ова.
Погледнете ја сликата, на која многу убаво е прикажано штетното дејство на цигарите. Пепелникот е графикон - пита и е поделен на сите заболувања кои цигарите можат да ги предизвикаат кај пушачот, искажани во проценти.

Значи, кога некој човек пуши има сколоност кон заболување, односно рак, на следниве органи:

78% бели дробови
5% дишник
4% панкреас
3% уста
3% мочен меур
2% стомак
2% бубрег
2% грло
1% леукемија
1% грлото на матката

Испитано на 159 600 индивидуални случаеви. Сите броеви се заокружени.


Извор: Callin' it quits

среда, мај 21, 2008

Некои вистини и заблуди за исхраната

НЕТОЧНО:
Диетите без масти се добри за здравјето.

ТОЧНО:
Една третина од калориите кои секојдневно се внесуваат, треба да потекнуваат од мастите, дури и кога се обидувате да се ослободите од вишокот килограми.


Мастите се потребни за:
* Енергија
* Обновување на ткивата
* Транспорт на витамините низ телото.



Во просек, на жените им се потребни околу 70 грама масти дневно, а на мажите 95 грама. Доколку сакате да го намалите внесот на масти, минималната дневна количина не треба да биде пониска од 30 грама. Наместо целосно да ги отстраните мастите од исхраната, трудете се заситените масни киселини, да ги замените со незаситени.
Во храна богата со незаситени масти спаѓаат некои видови риба, како лососот и сардините, зелениот лиснат зеленчук, оревите и другите видови на семки, маслиновото масло и др.
Разумно уживајте во храната.

Ако сметате дека во исхраната внесувате помалку масти од колку што дневно е потребно, тогаш препорачливо е да се консумираат таблетки со Омега 3 рибино масло, а ако примате дополнителни витамини, најубаво е да се земаат за време на оброците, бидејќи за време на оброкот коснумирате масти, а на витамините токму мастите им се потребни за да се разложат.

Извор: "Мали совети за здраво семејство - ЗЕГИН"

3 важни работи!

Сакате да симнете малце од товарот на стомакот? Сакате да ја одржите линијата? Сакате да започнете со здрав режим на исхрана? Немате време да се бавтате со диети, кои и така е многу теско да се држат, бидејќи секогаш те влече да каснеш и нешто благичко? Благото не е забрането, само треба да се знае кога во текот на денот е најубаво да се изеде.
Еве 3 најважни и појдовни работи, кои треба да се почитуваат, кога е во прашање исхраната.


1.) Појадокот изеди го сам!


Појадокот секако дека е најважниот оброк во текот на денот. Тоа што ќе го изедете за време на појадокот, ќе го потрошите целосно во текот на денот. Затоа гледајде да имате лесен доручек збогатен со сите можни витамини и минерали кои претставуваат неопходно гориво за да може да ја стартувате машината со полна пареа :)


2.) Ручекот подели го со пријателот!

Ручекот е вториот важен оброк во текот на денот. Обично тој е доста мрсен оброк, богат со јаглени хидрати. Токму затоа, немате потреба да изедете многу, иако знам дека е многу тешко. Слаткичко и вкусно мевце со некое компирче, салатичка... ммм...
Но, старите велат кога ручаме, пола чинија храна да остане на масата!

Исто така, дозволени се и меѓуоброците, т.н. ужинки. Најубаво тоа да е овошје. Тоа е така, бидејќи на организмот му е потребно внесување на храна во текот на целиот ден, така убаво распоредена. Не е убаво да се прегладувате, а најлошо е кога имате 1 или 2 огромни оброци во текот на денот. Тоа е едноставно калориска бомба.


3.) Вечерата оставија за гостинот!

Вечерата е најневажниот оброк во текот на денот! Најубаво е да се изостави. Нема да ви се случи ништо лошо. Може само да си помогнете.
Ако не можете да ја одбегнете вечерата, тогаш барем гледајте да не вечерате многу доцна. Тоа што ќе го изедеш во овој дел од денот, е најтешко да го потрошиш. Многу е лошо ако се јаде веднаш пред спиење. Така може и да имате несоница, бидејќи телото се мачи, ја вари храната со голем напор, а вие се потите и не можете да спиете.
Вечерата никако да не изгледа како на оваа чинија!
Заборавете ги слатките нешта навечер.

Овој режим на исхрана ќе биде потполн, ако спиете доволно. Ако станувате кога треба да се стане и легнувате, кога е време за тоа.

Вежби за мрзливи

Танцувајте, скокајте со јаже или боксувајте во воздух. Секогаш кога сте слободни активирајте го телото и ќе ја подобрите вашата фигура и кондиција.

На многумина веќе им е здосадено од вежбање во теретана или трчање покрај кеј. Сепак физичката активност е многу важен дел од секојдневното живеење и не смее да се изостави. Ако спаѓате во онаа група на луѓе кои се мрзливи и само понекогаш сакате да се размрдате, тогаш овие вежби се одлични за вас.

Боксување во воздух. Звучи необично, но не и невозможно. Пет минути на ден силно удирање во воздух ќе ви овозможи да ги зацврстите мускулите на рацете. Вежбата е лесна, а шансите да се повредите се минимални. Додека замавнувате обидете се брзо да се движите во место.

Скокање со јаже. Ова на прв поглед изгледа како вежба за девојчиња. Сепак ова е многу добра физичка активност со која се активираат сите мускули. Неколкукратно вежбање во текот на денот ја подобрува циркулацијата, ги топи маснотиите и ги согорува калориите.

Танцување. Кога сте расположени пуштете неколку брзи песни. Мрдајте со колковите, активирајте ги рацете и нозете. Освен што ќе се забавувате ќе ја подобрите и телесната кондиција.

Заедничко за сите овие вежби е тоа што може да ги правите секогаш кога сте слободни. Не бараат дополнителен ангажман или финансиски трошоци. Подобрување на фигурата ќе забележите после неколкунеделно редовно вежбање.

Извор: Кирилица

вторник, мај 20, 2008

За поумни деца - јадете риба

Луѓето чии мајки во текот на бременоста конзумирале многу риба се поумни и психички постабилни, тврдат експертите.

Идните мајки треба да конзумираат колку што е можно повеќе риба, ако сакаат децата што треба да ги родат да бидат поинтелегентни. Ова го тврдат експертите од Универзитетот „Хардвард“, по нивните неодамнешни истражувања.

Научниците дошле до сознание дека децата чии мајки по четвртиот месец од бременоста конзумирале риба најмалку трипати неделно, побрзо и пологично размислуваат и имаат поиздржлив нервен систем.

Според докторите, состојките во рибиното месо како минералите, активните хемиски соединенија, меѓу кои и масните киселини, и уште некои компоненти, помагаат за поактивен развој на децата, а пред се за интелектуален напредок.

Извор: Кирилица

Зелената салата добра за белите дробови

Лекарите се уверени дека вегетаријанското јадење со салата не само што го намалува ризикот од формирање тумор, туку и го намалуваат штетното влијание на загадениот воздух и прашината.
Конзумирањето на четири чинии салата неделно може да ја спречи појавата на рак на белите дробови, сведочи резултатот од нивното истражување.
Зелената салата штити од зголемениот број на килограми, но и од онколошки болести, заклучија научниците од Универзитетот во Тексас.
Научниците испитувањата ги направиле врз 3.800 луѓе и заклучиле дека зелената салата содржи материи кои ги блокираат ќелиите на ракот или го забавува развојот на оваа болест. Посебно позитивно влијание на зелената салата е забележано кај пушачите.
Лекарите се уверени дека вегетаријанското јадење со салата не само што го намалува ризикот од формирање тумор, туку и го намалуваат штетното влијание на загадениот воздух и прашината.

Извор: Кирилица

Сонцето главниот извор на енергија, здравје, убавина.

Не можеме без главниот наш извор, неможеме без сонцето. Без него сме никој и ништо.
Без него нема живот. Потребно е за да тече се како што треба, потребно е за да се прехраниме,
потребно е за да се разбудиме, тука е секогаш да не расположи, да ни даде сила и енергија.
Сонцето едноставно е се на земјата.......

Заслужува место на странава :)

Еден мал корисен совет

Деновиве каде и да се појавев, со кој и да се видев се жалеа дека ги боли грлото. Па бидеќи знам едно топ лекче, кое брзо се прави решив да ви го претставам.

Вкусно е !!!!!!

Земете едно ѓезве и ставете во него 3-4 лажички шеќер, ставете го на оган и мешајте додека шеќерот убаво не се стопи, додека не се карамелизира, потоа се додава ладно мелеко и се меша додека состојките не соединат убаво. Млекото добива вкус од карамела, како и карамела боја.

Пазете да не го изгорите шеќерот тогаш ќе имате горчлив вкус, кој не е пријатен за пиење....
Немојте да мислите дека 3-4 лажички е преблаго, кога се карамелизира шеќерот губи дел од својата блажина...

Млекото и шеќерот вака приготвени помагаат моментално за проблемите со грлото и гласот.

По 2-3 шољи во денот сте како нови!

Салата од туна и пченка

Состојки: туна, пченка, 1 супена лажица мајонез или павлака.
Брзо, лесно, вкусно и ефтино.

Ова јадење нема да ве чини повеќе од 100 денари, ако не ги употребите најскапипе намирници. Поефтините исто така се доста вкусни.

Кога сакате да каснете нешто хранливо, вкусно и лесно за приготвување, а не ви се оди до продавница за да купите нешто, еве ви решение!
Во ладилникот со сигурност во некој ќош имате конзервирана храна во лименки. Токму тоа ви е потребно за овој рецепт.
Ќе земете една туна, без разлика дали е во масло или во солило. Најпожелно е на конзервата да пишува low fats, ако се одлучите за туна во масло, а исто така туната да е исецкана.
Исто така, ќе земете и една конзерва со пченка.
Земате едно подлабоко садче, во кое ќе можете да ја измешате убаво салатата. Туната ја цедите од вишокот на зејтин, истото го правите и со пченката. Ги истурате смесите во садчето и мешате.

Значи тоа би изгледало некако вака:
Салатата ќе биде многу повкусна, ако додадете една супена лажица мајонез. Сепак, ова не им го препорачувам на тие што сакаат да ја редуцираат својата телесна маса. Овие особи најпогодно ќе биде во салатата да додадат 1 супена лажица павлака.

Оваа салата е најпогодна за деновите на пост, бидејќи туната е риба, а зејтинот во кој туната е конзервирана е од растително потекло. Тие што постат нема да додадат павлака.

Значи, еве ви предлог за некој петочен ручен или вечера, кога нема да ви паѓа на ум што да подготвите.

Извор: секојдневната пракса од мојата кујна :)

ЈАГОДИ - вкусен извор на витамини и минерали

Јагодите се првото сезонско овошје на нашето поднебје, кое пристигнува по долгите зимски месеци. Тие се вистински богат извор на витамини, минерали, растителни влакна и антиоксиданси. Традиционално се применуваат во народната медицина во многу култури. Уште старите римјани ги одгледувале заради нивните лековити својства.

Осум јагоди со средна големина се доволни во целост да ја задоволат дневната препорачана количина од витамин Ц, затоа што јагодите содржат рекордно повисок процент од овој витамин во однос на јужното овошје.

Состојките во јагодите имаат моќни антиоксидантски својства. Затоа јагодите ги намалуваат последиците од воспалителни процеси во организмот, го чуваат здравјето на артериите и ги спречуваат ризиците од заболувања на срцето.

Јагодите содржат фолна киселина, форма на витаминот Б, неопходна за создавање на црвените крвни клетки, затоа се препорачуваат на трудници и на деца во раст. Една порција јагоди задоволува околу 20% од дневните потреби за фолна кицелина.

Сокот од јагоди во комбинација со малку мед ги ублажува иритациите или изгорениците од сонце на кожата. Смесата се нанесува на кожата, се остава кратко време, а потоа се измива со млака вода и малку лимонов сок.
Но, јас не би дозволила ваква вкусна смеса да ја измијам со вода! :) Таа смеса треба да заврши во нечие стомаче.

Во 100 грама јагоди има 30 калории, што овозможува здрава, нискокалорична и вкусна ужина.

Јагодите содржат 90% вода, затоа брзо ја гасат жедта и се идеални за одржување на витка линија, особено кај оние кои се обидуваат да се ослободат од вишокот на некое килце.

Сепак, во секое бело има и малку црно. Така е и со овие Божествени плодови.
Имено, јагодите содржат протеини кои можат да предизвикаат алергиска реакција. Затоа треба да избегнувате да им ги давате на деца до 2 години, особено ако во семејството постојат случаи на алергија на јагоди.

Извор: "ЗЕГИН - Мали совети за здраво семејство"

четврток, мај 15, 2008

Акриламидот предизвикува рак

Akrylamid (C3H5NO, akryloamid, 2-propenamid) е органско соединение кое и припаѓа на групата амиди (амид на акрилната киселина), најчесто користен како монемер во производството на полиакриламид.

Акриламидот е многу токсична супстанца со канцерогено својство.
За жал, тој се јавува во храната!

Големи количини на акриламид настануваат за време на термичката обработка (пржење, печење) на прехрамбените продукти кои содржат скроб (јаглени хидрати). Такви продукти се на пример чипсот и помфритот. Го содржат и некои видови леб. Исто така, настанува во месото, додека тоа се пржи на многу високи температури.

Овој токсин може да настане веќе на температура од 120°C. Сепак, температурната граница во која настанува е 140-180°C.

Акриламидот настанува во така наречената хемиска реакција на
Кај човекот, акриламидот е причинител за појавата на болеста рак на системот за варење, а исто така го оштетува и нервниот систем, бидејќи претставува неуротоксична материја. Тој предизвикува повеќе видови на рак кај експерименталните глувци и стаорци.
Во едно данско испитување спроведено на 62000 жени, во период подолг од 11 години, е потврдено, дека тие кои консумирале многу повеќе акриламид во нивната регуларна диета, се двојно посклони кон рак на матката и јајниците.

Maillard.За да се намали канцерогеното дејство на акриламидот, за време на готвењето, во лебот и подготовката на компирот, може да се додаде природниот ензим Asparaginase. Компирите треба да се чуваат на температура која не е пониска од 8°C. Кога температурата на чување на компирите е пониска од 4°C, тогаш количеството на фруктоза нагло расте, со што количеството на образуваниот акриламид за време на печењето или пржењето ќе биде поголемо.
Во многу случаи се препорачува компирот да се пече или пржи на што е можно пониска температура. Исто така новите производствени методи, како што е вакуумското пржење можат да ја намалат количината на акриламидот.

Значи, внимателно при изборот на грицките (одбегнувајте чипс), при подготовката на утрешното мени, при изборот на ресторанот (одбегнувајте сендвичари или MC Donalds-и). Внимателно при подготовката на компирите и месото. Што помалку зејтин, што пократко и во што е можно пониска температура!
Зошто да ждерете чипс и да пиете кока кола пред телевизор, покрај толкава широка палета на грицки во супермаркетите? Заменете го чипсот со некакви грицки од житарици или самонаправени грицки, а кока колата со цеден сок од портокал :)

Извор: полската википедиа
англиската википедиа

вторник, мај 13, 2008

Здрава вода

Еден од начините како да се дојде до квалитетна вода е следниов:
Водата треба да се остави на отворени чинии, на топло место 12 до 24 часа, за да испари хлорот. Потоа треба да се претури во пластични шишиња, а тие да се сместат во фрижидер, да се замрзне водата. Кога водата ќе се замрзне во потполност, можеме да забележиме дека средината е со замаглена бела и жолтеникава боја. Тоа се случува затоа што при замрзнувањето најпрво се замрзнува чистата вода, а во средината се замрзнува подоцна, затоа што тоа е водата полна со неоргански соли. Шишето потоа го поливаме со топла вода и оние први неколку грама треба да се фрлат. Тоа е диетериум или тешка вода која се наоѓа на површината на мразот и која не е добра за пиење. Потоа треба да се продолжи со процесот на одмрзнување се додека не се дојде до оној замаглен, нечист дел. Водата која е добиена на овој начин е здрава и треба да се користи за пиење и за подготвување на храна. Треба да се чува во чисти стаклени шишиња, но не повеќе од 15 часа. Замаглениот мраз го оставаме да се истопи и таа вода ја фрламе.
Луѓето кои живеат по планините пијат вода која е земена под мразот. Тоа е еден од причините за нивната долговечност.

Извор : Глас Исидора

понеделник, мај 12, 2008

Уживајте во разновидната храна секој ден!

Ако сакате малку да го промените начинот на исхрана, бидејќи сметате дека не ви е соодветен, или пак сакате малку да симнете од вашето меше, не практикувајте веднаш инстант диети. Без разлика на што се однесува, се што е инстант брзо и се што гарантира зачудувачки брзи резултати, негативно се одразува и кратко трае. Ако ослабeте брзо и многу, исто така брзо ќе ги вратите тие килограми. Ефектот нема да биде траен. Тоа е едната лоша страна, на драстичните промени. Другата лоша страна е тоа што со такви радикални промени, вие буквално го разорувате и уништувате организмот!
Едноставно уживајте во храната, како што сте уживале и до сега, само ќе ги промените производите во коишто сте уживале.
Тоа е многу лесно.
За да не набројувам што треба, а што не треба да јадете за да бидете здрави и ако до сега се уште не научивте од пирамидата на исхрана што е поставена во сајдбарот, како и од досега објавените постови, ви препорачувам да ја погледнете сликата под постот. Самите видете што е здраво.
На неа е претставен затворениот круг на исхраната. Во округлата пита исечена на делови, претставени се разните видови на храна. Колку е поголем делот на кој е претставена храната, толку повеќе треба да се консумира и обратно. Не заборавајте да пиете многу вода, а како најважно, што повеќе да ги одбегнувате продуктите претставени во долниот десен агол. Токму тие се нездравите кои можат да ве здебелат.
Не заборавајте исто така дека во се треба да се биде умерен. Не практикувајте да се прејадувате. Секогаш се јаде до ситост, а не повеќе.

Enjoy!
Кликнете на сликата, за да ја видите во поголема димензија и за да може да прочитате што пишува.
Исто така кликнете на линкот подолу, па видете што пишуваат стучњаците на оваа тема.

Извор: Детското здравје

петок, мај 09, 2008

Витаминот Ц штити од болести на очите

Во последните 10 години, во многубројните студии истражувачите истакнале дека ризикот од очни болести значајно се намалува доколку нивото на антиоксиданси во крвта е зголемено. Развојот на катаракт и макалурните дегенерации речиси е поврзан со штетното дејствување на слободните радикали.
Студиите кои се занимавале со заштитното влијание на витаминот Ц во организмот, утврдиле дека се намалува ризикот од болест на очите за 26 до 70 проценти.


Значи луѓе јадете многу лимони ќе ви требаат витамини и за во лето, а и ќе им помогнете и на вашите очи. Една другарка ми даде еден податок дека пиперката содржела повеќе витамин Ц и од лимонот...па значи и повеќе пиперки на вашето мени.

Извор: весникот Вест

Лосион од јаболка

Еве еден добар лосион што сосема ќе ве опушти, а вашата кожа ќе се чувствува одлично. Ви кажувам дека го испробав и супер е. Пробајте!

Земете едно јаболко и убаво измијте го.Потоа ставете го во соковник и додадете млеко, приближно 250 мл. Добро измешајте ја течната смеса. Земете вата и нанесете го добиениот лосион на лице. Оставете да дејствува 15 минути, а потоа исплакнете го лицето со млака вода. Вашата кожа ќе изгледа свежо. Ова може да го правите два-три пати во неделата.


Извор: весникот „ Вест “

четврток, мај 08, 2008

Coca - cola light + Mentos = сигурна смрт!

Верувам дека оваа информација е од огромна важност како за оние кои спаѓаат во групата на луѓе, кои не внимаваат многу на својот режим на исхрана, како и за онаа група на луѓе кои значително внимаваат на исхраната.
Јас не можам со сила да ве натерам нешто да правите ако не сакате, но можам само да ве советувам за нешто, а ваше е дали ќе ме послушате или пак, не. Ваше е дали ќе го земете здраво за готово, тоа што овде го пишувам во секој пост на овој блог, бидејќи блогерството е слободно изразување. Сепак, за ова што неодамна го дознав и се уверив со мои очи и уши, не само што ве советувам да не го правите, туку и ви забранувам дури и да се обидувате!
Колку и да сакате да експериментирате во кујната, колку и да сакате да мешате додека јадете или пак, да јадете разнообразна храна...

...НИКОГАШ, АМА НИКОГАШ НЕ ЈАДЕТЕ MENTOS БОНБОНА И НЕ ПИЈТЕ COCA COLA LIGHT ИСТОВРЕМЕНО!!!

Значи, не ги мешајте овие две работи прикажани на оваа слика, а особено во вашиот стомак...

...ако не сакате во вашите црева да се случи ова:

Ова не е шега!

Истражував доста на оваа тема, но се уште немам доволно податоци која е хемиската реакција помеѓу овие два продукти.
Како и да е, слушнав дека Coca - cola light + Mentos бонбоните, покрај повреди, зад себе имаат оставено и жртви. Некое момче, откако ги помешало овие 2 намирници не знаејќи за последиците, умрело пред да стигне во болница. Оваа комбинација, му ги распарала цревата. Просто му експлодирал стомакот. Тажно и шокантно, но сепак вистинито.

А на оваа слика имате шема како да направите ракета од Coca - cola light + Mentos, чекор по чекор. Но, како што предупредив на самиот почеток, ви советувам да бидете многу внимателни и да се оддачлечите што е можно повеќе. Никако не дозволувајте им на деца да си играат на овој начин.

Ако немате време да се бавите со овие "глупости", може да го погледнете само овој клип:



Имам само една мала забелешка во однос на клипов, експериментот го изведуваат деца! Нека им е срам на родителите што ги учат своите деца на вакви работи!

Зошто бананата многу брзо поцрнува

Бананата, за разлика од другото овошје, многу брзо поцрнува. причината е во тоа што бананата, како и други тропски овошја, е навикната на други климатски услови. Затоа ладното не и одговара, и не и се допаѓа „ сместување “ во ладилник. Кората на бананата ги задржува распаднатите ќелии и се што од нив може да „испари“. Еден од ензимите што се наоѓа во нејзината кора стапува во реакција со танинот што се наоѓа во посебен дел во ќелијата. Со реакција на ензимот наречен полифенилоксид и танинот, се насобираат кафеави продукти, поради што бананата поцрнува. Идеалната температура за чување банани е 13, 3 Целзиусови степени.


Извор: Списанието „Теа шема“

Detox SPA System

Само во La Mer Коsmetik
телефони:
02/3246-599
075/666-355

Кликнете на сликите за да можете да прочитате во што се се состои овој Detox SPA System третман. Ефектите се очигледни. Уверете се и самите!


вторник, мај 06, 2008

Вакцинирање против пушење

Институтот "Каролинска" во Стокхолм развил вакцина која би требало да ги одвикнува луѓето од пушење. Со помош на средството наречено Niccin човековиот имунолошки систем би требало да развие антитела против никотинот и со тоа да го спречи неговото доаѓање во мозокот. Така би се оневозможило создавање чувство на пријатност во мозокот предизвикано од консумирањето никотин. Како следен чекор шведските научници планираат да ја тестираат вакцината на 400 луѓе, што би требало да потрае барем една година. Стокхолмскиот дневен весник сознал дека во светот се покренати најмалку 3 проекти за развој на вакцина против пушење. Дали некој од нив ќе биде успешен зависи од тоа дали средствата ќе бидат во состојба да го "натераат" човековиот организам да развие антитела за малите молекули на никотинот. Стручњаците размислуваат дека во случај на успех на натамошните истражувања, вакцината ќе се понуди како превентивна мерка и како помош во одвикнување од пушење.Верувам дека сите и тие што се пушачи, а особено тие што не се, би сакале овој шведски проект да испали. Децата уште во предучилишната возраст ќе имаат антитела против никотинот. Кога ќе ја запалат својата прва цигара во адолесцентниот период, ако воопшто и го сторат тоа, нема да чувствуваат никакво задоволство. Пушачите, а особено оние страсните, без голем проблем и без цврста воља, ќе можат да се одвикнат од оваа лоша навика.
Пред се од економски аспект гледано, ќе се заштеди огромна сума на пари. Ако курсот просечно би се движел 1 евро = 61,3 денари и доколку месецот процечно би имал 30 дена, а една кутија цигари би чинела точно 1 евро, тогаш според мојата математика, секој интензивен пушач кој купува по една кутија цигари дневно, доколку се одвикне од пушење, ќе биде во состојба да заштеди 1839 денари секој месец!
Тоа не се малку пари, бидејќи годишно тоа е заштеда од 22068 денари!
Сега вие размислете самите колку пари годишно трошите!
Дел од овие заштедени пари може да се вложат во козметички третмани, за подобрување на веќе уништената кожа особено на лицето, кај оние кои се одвикнале од овој порок.
Затоа размислете дали е убаво да се пуши? Која е користа од пушењето? Кои се позитивните и негативните страни од пушењето? Тргнувајќи од фактот дека корист од никотинит нема, а задоволството е толку кратко и недефинирано, не е ли редно време, ако се уште пушите цигари, да престанете со тоа? Само се упропастувате себе си, а не добивате ништо за возврат!
Не е ли поубаво задоволството тие заштедени 22068 денари доколку не би пушеле, да ги потрошите за да отидете некаде на одмор, на некое ексклузивно место??? Е тоа е веќе уживање!
You are the judge! ;)

Погледнете како никотинот кружи низ нашиот нервен систем.


Извор: неделникот "24 часа здравје".

сабота, мај 03, 2008

8 совети за здрав живот

Иако е добро да се трудите да воспоставите естетски изглед преку солидно вежбање и нутрицистички програм, сепак не треба да се заборави важноста на квалитетното вежбање и здравото јадење.

Со зголемениот број на срцеви заболувања доаѓа и потребата за зголемено внимание кон вашето тело.

Што порано започнете со грижа за самите себе толку повеќе ќе уживате во здравјето кога ќе бидете постари.

Како што навестува насловот, ќе ви дадеме 8 совети кои се потребни за да се одржи нормалната работа на срцето низ текот на животот:

1. Намалете го користењето на црвеното месо

Ако сте голем обожавател на црвено месо, тогаш повторно размислете. Иако некои меса се потребни во одредени диети и го снабдуваат организмот со железо и протеини, сепак јадењето на црвено месо треба да се ограничи до максимум 2-3 пати во неделата и тоа во помали количини.
Останатите денови можете да консумирате протеини преку јадење на риба, пилешко, грав, итн.

2. Јадете повеќе “темно“ овошје

Општо познато е дека диетите преку консумирање на огромни количини на овошје и зеленчук се најдобри за заштита од болести.

Но, кога правите селекција на овошјето, секогаш одбирајте ги оние кои имаат потемна боја бидејки тие се полни со антиоксиданти кои пак се потребни за превентива од канцерогено заболување.

3. Контролирајте ги нивоата на инсулин

Еден од најдобрите начини за да се одбегнуваат „пиковите” на инсулин (високи нивоа на инсулин проследени со големи падови) е да се изостават сите “бели“ зрнести типови на храна од диетата.
Подобро е да се фокусирате на продукти кои доаѓаат директно од земја и кои се најмалку преработувани.
Компири, овес или никулци се далеку подобар избор отколку бел леб, тестенини или суви, ладни житарици како што е корнфлексот.

4. Гответе сами

Наместо да преферирате вечери во ресторани или брза храна, почнете сами да си готвите. На овој начин самите ќе контролирате што ќе јадете, што ќе искористите како состојки, во која количина и со каков квалитет.
Понатаму, избегнувајте готови, купени преливи, особено за салати. Најчесто овие производи се полни со масти.
Затоа, по потреба, сами направете сос кој дефинитивно ќе биде повкусен и поквалитетен од купечките.

5. Зголемете ја количината на полесно растворлива храна

Како што беше спомнато во третиот чекор, треба да избегнувате потешка храна за варење. Вашиот желудник многу се напрега за еден оброк, а може со поедноставна работа да процесира 2-3 оброка.

Избегнувајте преработена храна, особено ако предходно сте биле на долга диета во која сте консумирале лесна храна.

Готовите, процесирани продукти не се најздрави за Вас.
Подобро користете храна која е свежа или пак директно запакувана.

6. Намалете ја количината на сирење

Намалувањето на внесот на сирење во Вашиот организам треба да се наоѓа на првите места од листата за подобро здравје.

За жал, ако досега не сте навикнати да јадете нискокалорично сирење, не веруваме дека овој чекор ќе успеете да го издејствувате во текот на животот.

Се поголемото користење на сирењето во скоро секое јадење, особено во ресторани, брза храна и во бели пецива, уште повеќе ја намалува шансата да престанете да го користите.

7. Пијте алкохол умерено

Иако не е неопходно алкохолот комплетно да го изоставите од вашата диета или воопшто од вашиот живот со цел да ја намалите шансата за срцева болест, сепак треба да се консумира со мали количини.

Тие што консумираат алкахол во мали количини имаат помала стапка за срцеви заболувања во однос на тие што воопшто не го консумираат.

Виното е сепак, најдобриот избор за здраво срце.

8. Вежбајте интензивно

Во врска со вежбањето, треба да знаете дека добрата кардиоваскуларна форма значи намалена шанса за срцеви заболување како и за поздраво тело воопшто. Најдобро е да правите интензивни но кратки серии на физички активности и тоа најчесто во форма на трчање спринт.
Сепак, тоа не значи дека предходно не треба да се загреете за физичката активност.

Боди билдингот иако е делумно добар, тој повеќе придонесува за изгледот на телото, а не за квалитетно здравје.

При трчањето, после брзиот спринт, подзапрете и видете како ви реагира срцето. Што повеќе време е потребно за срцето да се врати во нормална состојба на работење, толку поголема е шансата да добиете срцево заболување.

Со се поголемото трчање, вашето тело ќе се навикне и ќе го враќа срцето во првобитната положба за пократко време.
Гледајте да истрчате што можете побрзо во рок од 20-30 секунди и потоа направете пауза од 1-2 минути. Ваквиот циклус повторете го 8-12 пати и тоа најмалку 2 пати неделно.

Имајте ги на ум овие 8 фактори со цел да имате поквалитетен живот.

Да рамислувате паметно и да инвестирате во здравјето навремено, дефинитивно ќе ви донесе многу бенефити во поодминатите години.

Извор: www.idividi.com.mk

10 правила за паметно јадење

Јадењето е извор на здравјето. Затоа огромно внимание треба да се посвети на начинот на исхрната, правилно да се купуваат продуктите и внесуваат калориите. Еве неколку совети:

1. КУПУВАЈТЕ колку мислите да јадете, наполнете една третина од корпата со овошје и зеленчук. Зачинета и слатка храна треба да опфаќа многу мал дел од куповната корпа.

2. СПОРЕДУВАЈТЕ ги етикетите, за да ви помогнат во идентификација на здрави опции, одржувајќи чекор со водичот за дневно внесување на масти, соли и шеќер.

3. КОНТРОЛИРАЈТЕ ги внесените калории, за да одржувате здрава тежина. Жената треба да внесува околу 2.000 калории дневно, а мажот 2.500. Ако сте многу активни, ќе ви треба поголема количина калории, а ако воопшто не сте активни, ќе ви треба помала количина.

4. УЖИВАЈТЕ без чувство на вина. Ако постои вина поради диетата, многу потешко ќе можете да истраете во неа. Одрекување од омилената храна на долг период едноставно не е можно.

5. БАЗИРАЈТЕ го утринскиот оброкот на храна полна со скроб, леб, ориз, тестенини и компири, кои ќе создадат долготрајна енергија во телото. Тие нема да влијаат врз тежината ако се комбинираат со минимална количина на зејтин, путер и сосови.

6. ВНИМАВАЈТЕ на калориите што ги внесувате со алкохолот и пијалоците богати со шеќер.

7. ЈАДЕТЕ супи и зелена салата. Тие ќе помогнат во регулирање на тежината.

8. ДНЕВНИК за исхрана, за да се храните здраво. Јадете три порции дневно. Чаша млеко, јогурт, или мало парче сирење дневно - е препорачливо.

9. ЈАДEТЕ риба минимум еднаш неделно - богата е со омега 3 (значаен за мозокот и здравјето на срцето).

10. ПИЈТЕ секое утро сок богат со витамини и железо.

Извор: www.idividi.com.mk

Доматите ја штитат кожата

Колку повеќе сурфам на интернет се повеќе дознавам работи што досега не сум ни помислила дека може да се случуваат. Отсекогаш сум сакала да пробам свежо доматче, онака од мерак да изедам една добра салата онака со сиренце м м м....ама не сум знаела дека таа салата освен тоа што ќе ме најаде :-) и ќе ми дозволи да уживам, може да помогне да се заштитиме од штетните сончеви зраци. Нема да ви откривам се, ќе прочитате и самите.

Јадењата кои содржат домати би можеле да станат вистинско оружје во борбата против брчките и изгорениците кои се последица од претерана изложеност на сонце, веруваат британските научници.

Истражувачите од универзитетите во Манчестер и Њукасл утврдиле дека дополнителното консумирање на јадења кои содржат домати може значително да ја поправат заштитата на кожата од ултравиолетовите зраци.

Оштетувањата кои се предизвикани од овие зраци може да доведат до предвремено стареење, па дури и рак на кожа.

Научниците позитивното влијание на доматите го објаснуваат со присутноста на антиоксидансот ликопен, чие ниво дополнително се зголемува при варење.

Ликопенот во разни студии е поврзуван со намалување на ризикот од рак на простата.

Новите податоци покажуваат дека тримесечната исхрана со зголемен внес на домати може за третина да ја зголеми заштитата на кожата од изгореници предизвикани од претерано сончање, дејство кое го имаат кремите за сончање.

Исто така е утврдено дека зголемената консумација на домати доведува до зголемување на нивото на проколагенот, молекула која ја одржува структурата и цврстината на кожата.

Епа луѓе јадете што повеќе домати ќе ни требаат за лето :-)

Извор: www.idividi.com.mk